Joriy etish qancha davom etadi?
Ishga tushirish 1 ish kunini oladi: menejer biznesingiz bilan tanishadi, joriy etish rejasini tuzadi va platformani jamoaga koʻrsatadi. Tovarlarni birinchi hafta ichida yuklaymiz, butun birinchi oy davomida esa menejer tizimni oʻzlashtirishga yordam beradi.
1С dan voz kechish kerakmi?
Yoʻq. Buxgalteriya 1С da ishlashda davom etadi, Smart Supply esa u yerga buyurtmalar, kirimlar, hisob-fakturalar va qoldiqlarni uzatadi.
Maʼlumotlarni Excel va 1С dan koʻchirasizmi?
Ha. Tovarlar Excel dan koʻchiriladi: menejer fayllarni yuklashga yordam beradi va maʼlumotlar toʻgʻri koʻchirilganini tekshiradi. 1С bilan bogʻlash uchun API taqdim etamiz, u orqali buyurtmalar, kirimlar, hisob-fakturalar va qoldiqlar almashinuvi sozlanadi.
Markirovkalangan tovarimiz boʻlmasa ham mos keladimi?
Ha. Ombor, agentlar buyurtmalari, mijozlar bilan hisob-kitoblar va hujjatlar har qanday tovar uchun ishlaydi, kodlarni tekshirish esa faqat markirovka majburiy boʻlgan joyda kerak.
Faqat omborni yoki faqat agentlarni ulash mumkinmi?
Smart Supply modullardan yigʻiladi. Asosida obunalardan biri: «Ombor», «Distribyutor» yoki «Enterprise», unga qolgan modullar ulanadi. Obunasiz agentlar uchun ilova faol boʻlmaydi.
Bir nechta ombor va filiallarni yuritish mumkinmi?
Ha. Kompaniyaning barcha omborlari va filiallari bitta shaxsiy kabinetdan boshqariladi. Obunaga bitta filial kiradi, qoʻshimchalari alohida ulanadi. Aniq hisob-kitobni demoda qilamiz.
Agentlar va supervayzerlar uchun ilovalar bormi?
Ha, ikkala ilova hozirning oʻzidayoq mavjud. Ekspeditor uchun ilova ishlab chiqilmoqda, uni 2027-yil boshida ishga tushirish rejalashtirilgan.
Smart Supply dagi hisob nimani koʻrsatadi?
Ombordagi real vaqtdagi qoldiqlar, bron va ekspeditor mashinasidagi tovar, har bir mijoz boʻyicha qarzlar va toʻlovlar tarixi. Solishtirish dalolatnomasi toʻgʻridan-toʻgʻri tizimda shakllanadi.
Smart Supply qancha turadi?
Oyiga 1 BHM dan (maʼlumot uchun ≈ 440 000 soʻm). Yakuniy narx obuna va modullar toʻplamiga bogʻliq, EDO alohida toʻlanadi. Aniq hisob-kitobni demoda qilamiz.
Maʼlumotlar qayerda saqlanadi?
Bulutda. Oʻz serveringizni sotib olish va unga xizmat koʻrsatish shart emas, rahbar, ombor va buxgalteriya esa bitta bazada ishlaydi.
Yordam qanday tashkil etilgan?
Sizga shaxsiy menejer biriktiriladi, jamoangizni oʻqitamiz, yordam xizmati esa ish va dam olish kunlari javob beradi.